Meng-KO-kan Parhata

MENG-KO-KAN-PARHATA
Apakah seorang Parhata haruslah orang yang benar benar bisa marumpama dan marumpasa ?
Suatu Waktu di sebuah acara ‘MARHUSIP‘, parhata dari parboru berhalangan datang karena mendadak sakit. Berhubung paranak sudah lama tiba di tempat akhirnya pihak parboru sepakat memilih Amani Surle untuk menjadi perwakilan dari parboru tersebut. Terus terang Amani surle ini memang tidak begitu menguasai umpama umpasa dalam adat batak. Tetapi bukan Amani Surle namanya kalau tidak bisa menghadapi hal hal seperti ini. Kira kira beginilah percakapan yang terjadi pada saat itu.
—Amani Surle : Ba manghatai ma hita Amangboru. Nuang pe na manungkun ma hami, dia ma hinaroro muna ?, tung tangkas ma paboa Amangboru.
Parhata Paranak : Olo ma tutu Raja nami, alusan nami ma tutu sungkun sungkun muna i. Mauliate ma hudok hami parjolo tu Amanta Debata ai dibagasn hahipason do hamu hudapot hami dibagasta na marampang na marjual on. Ia haroro nami rajanami na mardomu do i tu boa boa ni anak nami na ro mangalangka tu hutan ta on.
Raja nami, Na ro do alu alu ni anak nami, Na diluahon patna ninna ibana, tu huta ni Tulang na, huhut ma huroha jinou-jou dohot hiniap hiap ni rupa na uli dohot parulaan na denggan ni boru ni na gabe, boru na mauli bulung hula-hula nami di huta on. Dung mardongan-dongan ninna sadia leleng, Di dok anak nami on naung marsijaloan hata nina ibana dohot maen nami boru muna na di jabu on.
Pitu ninna lilina, paualu jugiannaNa uli do ninnna nipina, ai dijangkon borumuna do ibana
Ba las roha antong huhut malambok pusu umbege i songon ni dok ni umpasa
Tinapu bulung siarum, bahen uram ni poraporaNa hansit gabe malum, molo dapot sinangkap ni roha
Nuaeng pe raja nami, na naeng manangkasi do hami tu hamu, atik beha na margabus anak nami, Toho do naeng naung dijalo boru muna hata ni anak nami on, jala naung di tolopi roha muna do rajanami ?
Amani Surle : Nauli Amang boru, Nunga di tolopi hami be. Molo adong do pe nanaeng sitaringot muna pintor tangkas ma pabotohon Amangboru.
Parhata Paranak : Horas ma tutu jala Gabe.Raja nami, Raja ni hula hula, Marsomba ujung hami, marsomba huhuasi tu tua dohot tu sahalamuna, Molo tung siat pangidoan nami nian, ba laos di son ma nian ta hatai angka na hombar tu angka paradaton raja nami.
Amani Surle : Nauli Amang boru. Jala pintor tangkas ma pabotohon Amangboru angka rencana muna .
Parhata Paranak : Mauliate ma raja nami, Na parjolo nian, molo tung siat pangidoan. rencana nami Taruhon Jual ma nian adat na naeng si patupaonta. botima
Amani Surle : Nauli Amangboru. Torushon hamu ma, jala pintor tangkas ma pabotohon Amangboru.
Parhata Paranak : Mauliate ma Raja nami ni haburjuan ni roha muna. Toho ma tutu barita i na sahat tu huta nami, Anggo hamu na burju jala na holong do anggo marboru. Jala na mangasahon burju ni roha muna i do hami rajanami, umbahen barani ro tu mandapothon hamu. Anggo marningot hapogoson nami do ndada barani hami mandapothon hamu. On pe Raja nami, sai unang paurak hamu hami di pogosnami on.
Sai tu ginjang ninna porda, sai tu toru do pambarbaranSai naeng mamora ninna roha, hape ingkon pogos do ninna sibaran.
Nian di roha nami, sai naeng do nian mangalehon na godang, asa iang iba berengon ni dongan. Ai iang do na nialap, iang na tinaruhon songon nidok silindung na uli. Alai hansit do tangan raja nami, mandangurhon na soada. Jadi molo tung siat nian pangidoan, sahali mandok ma hami rajanami. botima
Amani Surle : Nauli Amangboru, tangkas ma hatahon Amangboru.
Parhata Paranak : Mauliate ma raja nami, On pe dohonon nami ma tutu balga ni sinamot na naeng sipasahoton nami. Alai songon hata ni umpasa ma tutu dohonon nami.
Madekdek ansosoit tongon tu tarumbaraUnang dok hamu hami parholit, silehonon do soada
Jadi sinamot na boi sipasahaton nami di tingki pesta i annongan rajanami, godang da Rp. 30.000.000 (Tolu puluh juta) hepeng pamarenta ma. Si tombol ma i raja nami. Ima horbo na, ima horung na, ima abit na, ima sude raja nami, asing ni suhi ampang na opat, rade ma hami mangalehon i muse.
Amani Surle : Nauli Amangboru, di jalo hami ma i. Molo adong do pe nanaeng sipangidoon muna, tangkas ma paboa Amangboru.
Parhata paranak : Mauliate ma Raja nami.
Balintang ma pagabe tumundalhon sitadoan,Arinta ma gabe molo masipaolo oloan
Jadi pangidoan nami nian raja nami, naeng ma sude hami ulosan muna. Alai ala nungga uhum na masa di hami dohot dianggaran dasar rumah tangga nami, Anngo ulos na naeng pasahat muna holan 11 (sampuluh sada) bulung ma. Botima raja nami.
Amani Surle : Nauli Amang boru. Adong dope, tangkas ma patorang Amangboru ?
Parhata Paranak : Nunga be Raja nami, anggo angka na asing ra, dia uhum na masa i ma tapature. Si dapot solup ma hami raja nami.
Amani Surle : Jadi nungga be ateh, alai saulak nari husungkun hami. Adong dope pangidoan muna na asing Amangboru?
Parhata Paranak : Ndang dong be raja nami, nga uli be sude.
Amani Surle : Amang boru, sude pangidoan muna nangkaning ndang adong na hujua hami, hatop hatop do di oloi hami. Jadi saonari pe naeng hami ma jolo mangido. Holan sada do pangidoan nami Amang Boru, ndada suman be ra molo so di olo i hamu.
Parhata Paranak : Aha ma i Raja nami ?.
Amani Surle : Tambai hamu ma sinamot muna i !.
Mengkel ma sude jolma na torop di si, jala ndang taralusi ni parhata ni paranak i be, ujung na dibuka imana ma dompet-na, jala dipamasuk imana ma hepeng arga Rp. 20.000 (dua puluh ribu) langsung tu kantong ni Amani Surle i, huhut di husip hon ibana
‘On dope hea langsung KO au bah di jolo ni parhata , jalo hamu ma tambah ni sinamot on’